Reposted from Instagram: Promoting Rumah Doa HKBP in Bataknese

Parhorasan ma di hamu Damang, Dainang na jumaha na hugurithon on.

Songon tanda las ni roha di basabasa ni Tuhan i marhite hosa hangoluan, nda tama soarahonon sada inganan na une — naung dipangke Tuhan i mangalean hosa hangoluan di iba na lima taon parpudi — sasahali jinalahan ni na manjahasa?

Ra, sian hita nunga adong na mananda jala umboto inganan on. On ma 'Rumah Doa HKBP' na maringanan di Simanare Sipoholon, Tapanuli Utara. Di inganan on, diparade do pigapiga undung di angka tamue na naeng martangiang.

Ndada holan martangiang. Sian arsitektur ni angka bangunan di inganan on, diboan do hita mulak tu sejarah parjongjong ni HKBP. Ai marhite sian dalan naung 'paving block' dohot angka hau na sinuan ni angka na paradehon, dipaandar do tu hita pardalanan ni apostel Batak na tarbarita, i ma Ompunta Nommensen i.

Beta. Hamu, Damang Dainang. Ro hita mandulo Simanare. Angka hau na rindang dohot na marparbuehon angka parbue sipanganon rade dison, songon dalan ni Debata sumarihon hita na mandulo inganan on.

Horas.